Ганалик собиқ футболчи Салли Мунтари ҳамюрти Томас Партининг Лондоннинг "Арсенал" клубини тарк этиши мумкинлиги ҳақида фикр билдирди.
31 ёшли ярим ҳимоячининг "канонирлар" билан шартномаси июль ойида якунига етади. Томонлар ҳамкорликни давом эттиришни режалаштирмоқдами ёки йўқми, номаълумлигича қолмоқда.
"Менга шу нарса аниқки, Парти "Арсенал"нинг бу мавсумдаги энг яхши ўйинчиларидан бири бўлди. У клубга керак, шунинг учун унга янги шартнома таклиф қилишлари керак. Агар бу содир бўлмаса, у барибир яна кўп йилларни юқори савияда ўтказиши мумкин ва мен унинг "Атлетико"га қайтиши эҳтимолини истисно қилмайман," - деди Мунтари.
