"Nyukasl" yarim himoyachisi Entoni Gordon JCH-2026 saralashining 1-turi doirasidagi Albaniyaga (2:0) qarshi o‘yinda tizzasidan olgan jarohati tufayli Angliya terma jamoasi lagerini tark etdi. Bu haqda Angliya terma jamoasi matbuot xizmati X ijtimoiy tarmog‘ida xabar berdi.
Gordon o‘yinning 74-daqiqasida zaxiradan maydonga tushdi va deyarli darhol sonida muammo sezdi. Angliya terma jamoasi bosh murabbiyi Tomas Tuxel o‘yindan so‘ng Gordonning ahvolidan biroz xavotirda ekanligini aytdi.
Ma’lumki, futbolchi shanba kuni chuqurlashtirilgan ko‘rikdan o‘tgan va uning natijalariga ko‘ra futbolchi Latviya termasi bilan o‘yinga qolmasligiga qaror qilingan. Uchrashuv 24 mart, dushanba kuni bo‘lib o‘tadi.
24 yoshli yarim himoyachi Angliya terma jamoasiga ilk bor 2024 yilning 14 martida chaqirilgandi. Bu vaqt ichida u to‘qqizta o‘yin o‘tkazib, bitta gol urdi.
