Karl-Xayns Rummenigge "Bavariya"ning chempionatda ochko yo‘qotganidan norozi.

"Bayer"ga qarshi (Chempionlar ligasidagi) ikkala o‘yin ham yuqori darajada o‘tdi. To‘g‘risini aytsam, meni tashvishga solayotgan narsa shuki, o‘z uyimizda "Boxum"ga qarshi o‘yinda 2:0 hisobida oldinda borayotgan edik, hattoki o‘n kishi bo‘lsa ham g‘alaba qozonishimiz kerak edi. Biz bu g‘alabani qo‘ldan boy berdik. Keyin esa Berlinda yo‘qotilgan ikki ochko hozir biz uchun qayg‘uli.

Agar bizda besh ochko ko‘proq bo‘lganida, chempionlik uchun kurashga ko‘proq ishonch bilan qaragan bo‘lardik. Demak, endi har bir o‘yinda yana to‘liq konsentrasiya bilan o‘ynashimiz kerak. Eshikni o‘zimiz ochdik va leverkuzenliklar "Shtutgart"da bundan unumli foydalanishdi. O‘tgan yili Bundesligada g‘alaba qozongan o‘sha Leverkuzen edi", - dedi "Bavariya" kuzatuv kengashi a’zosi Bild nashriga bergan intervyusida.