Madridning "Atletiko" klubi yarim himoyachisi Anxel Korrea Meksika chempionatiga o‘tishi mumkin. Argentinalik futbolchiga "Tigres" klubi jiddiy qiziqish bildirmoqda, deb xabar beradi Periodico AM.
Tajribali yarim himoyachi va "oltin-ko‘klar" muzokaralarning ilg‘or bosqichida. Korrea transferga prinsipial ravishda roziligini berdi va hozirda shartnomaning shaxsiy shartlari bo‘yicha muzokaralar olib bormoqda. "Atletiko" faxriyni ramziy tovon puli evaziga qo‘yib yuboradi.
Joriy mavsumda Korrea barcha turnirlarda 39 ta o‘yin o‘tkazib, 7 ta gol urdi va 5 ta golli uzatmani amalga oshirdi. U 2015 yilning yanvarida Madridga ko‘chib o‘tgandi. O‘shandan beri argentinalik futbolchi Ispaniya chempioniga aylandi, Yevropa Ligasi kubogi va UYEFA Superkubogini qo‘lga kiritdi.
