Мадриднинг "Атлетико" клуби ярим ҳимоячиси Анхель Корреа Мексика чемпионатига ўтиши мумкин. Аргентиналик футболчига "Тигрес" клуби жиддий қизиқиш билдирмоқда, деб хабар беради Periodico AM.
Тажрибали ярим ҳимоячи ва "олтин-кўклар" музокараларнинг илғор босқичида. Корреа трансферга принципиал равишда розилигини берди ва ҳозирда шартноманинг шахсий шартлари бўйича музокаралар олиб бормоқда. "Атлетико" фахрийни рамзий товон пули эвазига қўйиб юборади.
Жорий мавсумда Корреа барча турнирларда 39 та ўйин ўтказиб, 7 та гол урди ва 5 та голли узатмани амалга оширди. У 2015 йилнинг январида Мадридга кўчиб ўтганди. Ўшандан бери аргентиналик футболчи Испания чемпионига айланди, Европа Лигаси кубоги ва УЕФА Суперкубогини қўлга киритди.
