"Chelsi" kelasi yozda hujumchi Joau Feliksni sotib yuborishi mumkin. Joriy mavsumning ikkinchi yarmini futbolchi "Milan"da o‘tkazmoqda va hozircha u yerda o‘zini ko‘rsata olmayapti. Insayder Fabrisio Romano tarqatgan xabarga ko‘ra "ko‘klar" portugaliyalik futbolchiga jozibador taklif tushsa, uni yaqin transferlar davridayoq sotib yuborishga tayyor. Shu bilan birga, London klubida hujumchi uchun eshiklar yopilmayapti - u Italiyadan qaytganidan keyin ham jamoada o‘z imkoniyatini qo‘lga kiritishi mumkin.
Transfermarkt ekspertlari bahosiga ko‘ra, Joau Feliksning narxi 30 mln yevroga teng. 25 yoshli futbolchining "Chelsi" bilan shartnomasi 2031 yilning yarmigacha mo‘ljallangan.
