"Челси" келаси ёзда ҳужумчи Жоау Феликсни сотиб юбориши мумкин. Жорий мавсумнинг иккинчи ярмини футболчи "Милан"да ўтказмоқда ва ҳозирча у ерда ўзини кўрсата олмаяпти. Инсайдер Фабрицио Романо тарқатган хабарга кўра "кўклар" португалиялик футболчига жозибадор таклиф тушса, уни яқин трансферлар давридаёқ сотиб юборишга тайёр. Шу билан бирга, Лондон клубида ҳужумчи учун эшиклар ёпилмаяпти - у Италиядан қайтганидан кейин ҳам жамоада ўз имкониятини қўлга киритиши мумкин.

Transfermarkt экспертлари баҳосига кўра, Жоау Феликснинг нархи 30 млн еврога тенг. 25 ёшли футболчининг "Челси" билан шартномаси 2031 йилнинг ярмигача мўлжалланган.