Ispaniya terma jamoasi bosh murabbiyi Luis de la Fuente Millatlar ligasi yarim finaliga chiqqanidan keyingi taassurotlari bilan o‘rtoqlashdi.

Yakshanba kuni ispanlar o‘z uyida Niderlandiya bilan durang o‘ynadi - 3:3 (ikki o‘yin natijasiga ko‘ra 5:5). "Qizil furiya" penaltilar seriyasida (5:4) aniqroq harakat qildi va keyingi bosqichga yo‘l oldi.

"Biz juda mamnunmiz. Biz o‘yindan zavq oldik - qizg‘inlik darajasi bo‘yicha Yevro finali bilan tenglashadi. Biz tomoshabop futbol namoyish etdik. His-tuyg‘ular o‘tgan yozda bo‘lib o‘tgan Yevro-2024 bilan bir xil," - dedi de la Fuente matbuot anjumanida.