Ispaniya OAVning qayd etishicha, Trent Aleksandr-Arnold "Real"ga o‘tishga rozi bo‘lgan. Unga ko‘ra, o‘ng qanot himoyachisi "Liverpul" bilan yangi kelishuvdan voz kechgan va yozda erkin agent sifatida "Madrid"ga o‘tishga qaror qilgan.
Defenca Central nashrining xabariga ko‘ra, Aleksandr-Arnold oxir-oqibat "Bernabeu"ga erkin agent sifatida keladi. Xuddi shu manbaning yozishicha, "Liverpul" bosh murabbiyi Arne Slot allaqachon Trentga o‘rinbosar tanlagan - u "Bayer"ning o‘ng qanot himoyachisi Jeremi Frimpongni o‘z safiga qo‘shib olmoqchi.
Slot "Liverpul" rahbariyatiga Frimpongni o‘z safiga qo‘shib olishni maslahat berdi, chunki uning fikricha, uning hamyurti o‘ng qanot himoyachisi pozisiyasi uchun ideal variant bo‘ladi. Transfer "qizillar"ga 40 million yevroga tushishi mumkin.
Eslatib o‘tamiz, Frimpong bu mavsumda "Bayer" safida barcha musobaqalarda 40 ta o‘yinda 4 ta gol va 11 ta golli uzatmani amalga oshirgan.
