Испания ОАВнинг қайд этишича, Трент Александр-Арнольд "Реал"га ўтишга рози бўлган. Унга кўра, ўнг қанот ҳимоячиси "Ливерпуль" билан янги келишувдан воз кечган ва ёзда эркин агент сифатида "Мадрид"га ўтишга қарор қилган.
Defenca Central нашрининг хабарига кўра, Александр-Арнольд охир-оқибат "Бернабеу"га эркин агент сифатида келади. Худди шу манбанинг ёзишича, "Ливерпуль" бош мураббийи Арне Слот аллақачон Трентга ўринбосар танлаган - у "Байер"нинг ўнг қанот ҳимоячиси Жереми Фримпонгни ўз сафига қўшиб олмоқчи.
Слот "Ливерпуль" раҳбариятига Фримпонгни ўз сафига қўшиб олишни маслаҳат берди, чунки унинг фикрича, унинг ҳамюрти ўнг қанот ҳимоячиси позицияси учун идеал вариант бўлади. Трансфер "қизиллар"га 40 миллион еврога тушиши мумкин.
Эслатиб ўтамиз, Фримпонг бу мавсумда "Байер" сафида барча мусобақаларда 40 та ўйинда 4 та гол ва 11 та голли узатмани амалга оширган.
