Fichajes xabariga ko‘ra, "Barselona" "Atalanta" hujumchisi Ademola Lukmanning yozda transferi ehtimolini ko‘rib chiqib, vakillari bilan muzokaralarni boshlagan.

Klub rahbariyati nigeriyalik vingerni klubga istiqbolli qo‘shimcha sifatida ko‘rmoqda, biroq futbolchi uchun kurash shiddatli kechadi, chunki "Arsenal", "Liverpul" va "Manchester Yunayted" ham vaziyatni diqqat bilan kuzatib bormoqda.

“Atalanta” Lukmanni 65 million yevroga sotishga tayyor. Bu moliyaviy qiyinchiliklar tufayli "Barselona" uchun muammo bo‘lishi mumkin, ammo klub baribir hujum chizig‘iga sarmoya kiritishni rejalashtirmoqda.

Lukman joriy mavsumda “Atalanta” safida barcha musobaqalarda 32 ta o‘yinda maydonga tushib, 18 ta gol va 7 ta golli uzatmaga mualliflik qilgan.