"Real" Trent Aleksandr-Arnoldga haftasiga 240 ming yevrodan ko‘proq to‘lashga tayyor.

Avvalroq, Madrid klubi "Liverpul" himoyachisi va uning agentlariga rasmiy taklif yuborgani xabar qilingandi.

The Independent xabariga ko‘ra, gap haftasiga 200 ming funtdan ortiq (240 ming yevro atrofida) besh yillik shartnoma haqida ketmoqda. O‘yinchiga katta shartnoma bonusi ham to‘lanishi mumkin.

Bunday moliyaviy shartlar Trentni qoniqtiradi, ammo tomonlar hali bitim tuzilishini kelishib olishlari va summaning qaysi qismi ish haqi sifatida, qaysi qismi esa bonuslar sifatida to‘lanishini aniqlashlari kerak.

Aleksandr-Arnold joriy mavsum APLda 28 ta o‘yinda maydonga tushib, 2 ta gol va 6 ta golli uzatmaga mualliflik qildi.