Himoyachi Kristian Romero, agar "shporlar" Chempionlar ligasiga yo‘llanmani qo‘lga kirita olmasa, yozda "Tottenxem"ni tark etishga tayyor.

Bir kun avval Sky Sports nashri Romeroga "Atletiko" qiziqayotgani haqida xabar bergan edi. Avvalroq, 26 yoshli argentinalik futbolchiga "Real" ham qiziqish bildirayotgan edi.

Romero "Tottenxem"dagi vaziyatdan umuman mamnun emasligi aniq. Mavsum boshida Kristian klubi rahbariyati va uning transfer siyosatini tanqid qilgandi. Va yaqinda himoyachi Argentina terma jamoasi shifokorlari tufayli jarohatdan so‘ng safga qaytganini aytdi.

Daily Mail nashri xabariga ko‘ra, Romero, agar "Tottenxem" unga keyingi mavsumda Chempionlar ligasida o‘ynash imkoniyatini taklif qila olmasa, klubini o‘zgartirishi mumkin.

"Tottenxem" buni faqat Yevropa ligasida g‘alaba qozonish orqali amalga oshirishi mumkin, Anj Postekoglu jamoasi chorak final bosqichida Frankfurtning "Ayntraxt" jamoasiga qarshi maydonga tushadi.