"Yuventus" bosh murabbiyi Igor Tudor tayinlanganidan keyin ilk matbuot anjumanini o‘tkazdi. Xorvatiyalikning so‘zlariga ko‘ra, "keksa sinyora" afsonasi Lilian Tyuram unga o‘g‘li, jamoa yarim himoyachisi Kefren Tyuramga jismonan ta’sir o‘tkazish imkonini bergan.
"Kefren Tyuram? Kecha men uning otasi Lilian bilan gaplashdim. U menga o‘g‘lini noto‘g‘ri ish qilsa, shapaloq bilan urishimni aytdi. Lekin bu shart emas. U xushmuomala, kamtarin va juda kuchli yigit", - dedi Tudor.
“Yuventus” ayni damda A Seriya turnir jadvalida 5-o‘rinda bormoqda.
