Ispaniya chempionatining 27-turidan o‘rin olgan qoldirilgan o‘yinda “Barselona” “Osasuna”ni qabul qilib, raqib darvozasiga javobsiz uchta gol urdi.

Kataloniya superklubining germaniyalik murabbiyi Xans Flik uchrashuvdagi voqealar haqida fikr bildirdi.

"Biz uch ochko oldik, ammo Dani Olmoning jarohati bizga qimmatga tushdi. Mavsumning ushbu bosqichida biz har uchala sovrin uchun kurashni davom ettirmoqdamiz va har uchala turnirda ham g‘alaba qozonishni istaymiz.

Bizning maqsadimiz shu", - dedi Flik "Barselona" klubi saytiga bergan intervyusida.