La Liga prezidenti Xavyer Tebas "Real" va boshqa klublarning o‘yinlar jadvalining tig‘izligi hamda taqvimi bo‘yicha shikoyatlarini rad etdi.

Bundan oldin, "qaymoqranglilar" bosh murabbiyi Karlo Anchelotti o‘z jamoasi 72 soatdan kam dam olgan holda o‘yinlarga chiqmasligiga ishora qilgandi.

"Biz 14 yildan buyon Yevropa Ligasini payshanba kunlari o‘tkazib, keyin yakshanba kuni o‘ynaymiz va buni go‘yo hech kim sezmayotganga o‘xshaydi. NBA o‘yinchilari har 24 soatda o‘ynashadi; ular allaqachon o‘lgan bo‘lishi kerak edi.

COVID sababli beshta almashtirishga ruxsat berilgan edi, lekin siz 85-daqiqada uchta o‘yinchi almashtirib, yana noliysiz. Agar qaydnomadagi 25 o‘yinchining barchasidan foydalanilsa, bu rotasiya bo‘ladi.

Anchelotti "Real" 72 soatdan kam tanaffus bilan o‘ynamasligini aytmoqdami? Ularning o‘ynash-o‘ynamasligi haqida bosh qotirayotganim yo‘q," - deya yakun yasadi Tebas.