Ла Лига президенти Хавьер Тебас "Реал" ва бошқа клубларнинг ўйинлар жадвалининг тиғизлиги ҳамда тақвими бўйича шикоятларини рад этди.
Бундан олдин, "қаймоқранглилар" бош мураббийи Карло Анчелотти ўз жамоаси 72 соатдан кам дам олган ҳолда ўйинларга чиқмаслигига ишора қилганди.
"Биз 14 йилдан буён Европа Лигасини пайшанба кунлари ўтказиб, кейин якшанба куни ўйнаймиз ва буни гўё ҳеч ким сезмаётганга ўхшайди. NBA ўйинчилари ҳар 24 соатда ўйнашади; улар аллақачон ўлган бўлиши керак эди.
COVID сабабли бешта алмаштиришга рухсат берилган эди, лекин сиз 85-дақиқада учта ўйинчи алмаштириб, яна нолийсиз. Агар қайдномадаги 25 ўйинчининг барчасидан фойдаланилса, бу ротация бўлади.
Анчелотти "Реал" 72 соатдан кам танаффус билан ўйнамаслигини айтмоқдами? Уларнинг ўйнаш-ўйнамаслиги ҳақида бош қотираётганим йўқ," - дея якун ясади Тебас.
