Italiya va Angliyaning yetakchi klublari "Bornmut" hujumchisi uchun kurash olib boradi.

Caughtoffside nashri manbalariga ko‘ra, "Nyukasl" va "Aston Villa" Dango Uattaraning transferini shu yozdayoq rasmiylashtirmoqchi. Burkina-Faso terma jamoasi futbolchisi nafaqat hujumda, balki qanot himoyasi pozisiyasida ham o‘ynay oladi. "Giloslar" rahbariyati uning narxini 40 million yevroga baholamoqda.

Ta’kidlanishicha, 23 yoshli vingerga "Napoli" va "Milan" ham qiziqish bildirmoqda, uning klub bilan shartnomasi 2028 yilning iyun oyi oxirigacha amal qiladi.

Joriy mavsumda Dango Uattara "Bornmut" safida barcha musobaqalarda 30 ta o‘yinda maydonga tushib, 9 ta gol urdi va 4 ta golli uzatmani amalga oshirdi. Mashhur Transfermarkt sayti talqiniga ko‘ra, uning narxi 25 million yevroga baholanmoqda.