Италия ва Англиянинг етакчи клублари "Борнмут" ҳужумчиси учун кураш олиб боради.
Caughtoffside нашри манбаларига кўра, "Ньюкасл" ва "Астон Вилла" Данго Уаттаранинг трансферини шу ёздаёқ расмийлаштирмоқчи. Буркина-Фасо терма жамоаси футболчиси нафақат ҳужумда, балки қанот ҳимояси позициясида ҳам ўйнай олади. "Гилослар" раҳбарияти унинг нархини 40 миллион еврога баҳоламоқда.
Таъкидланишича, 23 ёшли вингерга "Наполи" ва "Милан" ҳам қизиқиш билдирмоқда, унинг клуб билан шартномаси 2028 йилнинг июнь ойи охиригача амал қилади.
Жорий мавсумда Данго Уаттара "Борнмут" сафида барча мусобақаларда 30 та ўйинда майдонга тушиб, 9 та гол урди ва 4 та голли узатмани амалга оширди. Машҳур Transfermarkt сайти талқинига кўра, унинг нархи 25 миллион еврога баҳоланмоқда.
