"Real" bosh murabbiyi Karlo Anchelotti jamoaning asosiy darvozaboni Tibo Kurtua jarohati tufayli "Leganes"ga qarshi bo‘lajak o‘yinda maydonga tushmasligini tasdiqladi.
"Kurtuada kichik muammo bor, ammo u bir necha kundan keyin mashg‘ulotlarga qaytadi.
Shuningdek, Dani Sebalyos va Ferlan Mendi Chempionlar Ligasida "Arsenal" bilan birinchi o‘yingacha tiklanishlariga umid qilamiz," - dedi Anchelotti.
Shu tariqa, "Leganes" bilan bahsda ukrainalik Andrey Lunin Madrid jamoasi darvozasini qo‘riqlaydi.
Eslatib o‘tamiz, "Real" - "Leganes" uchrashuvi 29 mart, shanba kuni tungi soat 01:00 da boshlanadi.