"Реал" бош мураббийи Карло Анчелотти жамоанинг асосий дарвозабони Тибо Куртуа жароҳати туфайли "Леганес"га қарши бўлажак ўйинда майдонга тушмаслигини тасдиқлади.
"Куртуада кичик муаммо бор, аммо у бир неча кундан кейин машғулотларга қайтади.
Шунингдек, Дани Себальос ва Ферлан Менди Чемпионлар Лигасида "Арсенал" билан биринчи ўйингача тикланишларига умид қиламиз," - деди Анчелотти.
Шу тариқа, "Леганес" билан баҳсда украиналик Андрей Лунин Мадрид жамоаси дарвозасини қўриқлайди.
Эслатиб ўтамиз, "Реал" - "Леганес" учрашуви 29 март, шанба куни тунги соат 01:00 да бошланади.
