"Lasio"ga ijaraga berilgan "Yuventus" yarim himoyachisi Nikolo Rovella "Arsenal"ning qiziqishiga sabab bo‘ldi, deya xabar bermoqda La Gazzetta dello Sport.
Manbaga ko‘ra, turinliklar va rimliklar o‘rtasidagi shartnomada 17 million yevro miqdoridagi majburiy tovon puli ko‘rsatilgan. "Lasio" prezidenti Klaudio Lotito 23 yoshli italiyalik futbolchi uchun kamida 40 million yevro talab qiladi.
Bu mavsumda Rovella "Lasio" safida 34 ta o‘yinda 3 ta golli uzatmani amalga oshirdi. Transfermarkt portali uning narxini 28 million yevroga baholamoqda.
