Madridning "Real" klubi tez orada "Liverpul"ning o‘ng qanot himoyachisi Trent Aleksandr-Arnold bilan shartnoma imzolashni yakunlaydi.

Angliyalik erkin agent sifatida "qaymoqranglilar"ga o‘tadi, chunki uning amaldagi shartnomasi iyul oyida tugaydi. Turli manbalar bir necha bor xabar berganidek, kelishuv amalga oshishi muqarrar. Relevo'ning yangilangan ma’lumotlariga ko‘ra, tomonlar yaqin haftalarda bitim tuzadilar. Faqat so‘nggi rasmiyatchiliklarni hal qilish qoldi.

Trent Aleksandr-Arnold butun faoliyati davomida "Liverpul" sharafini himoya qilib kelgan. Joriy mavsumda 26 yoshli futbolchi "qizillar" safida barcha musobaqalarda 39 ta o‘yinda maydonga tushib, 3 ta gol va 7 ta golli uzatmani o‘z hisobiga yozdirib qo‘ydi.