"Bornmut" bosh murabbiyi Andoni Iraola "Tottenxem"ga o‘tishi haqidagi mish-mishlarga javob berdi.

Mish-mishlarga ko‘ra, agar "shporlar" ushbu muvaffaqiyatsiz mavsumdan so‘ng Anj Postekogluni chetlatishga qaror qilsa, Iraola "Tottenxem"ning birinchi raqamli tanlovi bo‘ladi.

"Manchester Siti"ga qarshi Angliya kubogi chorak finali oldidan Iraoladan "Tottenxem" haqida so‘rashdi va Andoni javob berishdan qochishni afzal ko‘rdi.

"Men o‘z ishimni qo‘limdan kelganicha yaxshi qilishni xohlayman. Agar men o‘z ishimni juda yaxshi bajarmasam, ular boshqa odamni topishadi va bu har bir ishda bir xil.

Men bu yerda juda xursandman. Bizda tarixda birinchi marta yarim finalga chiqish va bu yangi cho‘qqilarni zabt etish shaxsan men uchun ham, klub uchun ham ajoyib bo‘lardi.

Ammo biz realist bo‘lishimiz kerakligini va bizdan yaxshiroq jamoalar borligini ham bilamiz. Biz juda yaxshi jamoalarga qarshi o‘ynashimiz kerak va biz o‘zimizning eng yaxshi darajamizni ko‘rsatishga harakat qilamiz", - dedi Iraola.