"Bavariya" bosh murabbiyi Vensan Kompani "Sankt-Pauli" bilan o‘yinni sarhisob qildi.
Myunxen klubi Bundesliganing 27-turida 3:2 hisobida zafar quchdi.
"Sankt-Pauli” ko‘p gol o‘tkazib yubormaydigan va o‘z darvozasi oldida ko‘p imkoniyatlarga yo‘l qo‘ymaydigan yaxshi tashkil etilgan jamoa. Shu bois jamoani butun o‘yin davomida diqqatini jamlashga va gol urmasak, sabrini yo‘qotmaslikka tayyorladim.
Ikkinchi bo‘limda bizda yaxshi vaziyatlar bo‘ldi, lekin shuni aytishim kerakki, "Sankt-Pauli"ning ham birinchi bo‘limda o‘z daqiqalari bo‘ldi. Umuman olganda, agar oxirgi 5 daqiqa va Xiroki Ito jarohati bo‘lmaganida (himoyachi oyog‘idan jarohat olib, o‘yin oxirida maydonni tark etgandi), men juda xursand bo‘lardim. Xirokini yo‘qotganimiz achinarli, ammo bu kelajakda bahona bo‘lmasligi kerak.
Biz chempionlikka yana bir qadam tashladik va g‘alaba qozonishimiz uchun hali yetti o‘yin bor", — dedi Kompani.
