Madridning "Real" klubi markaziy himoyachisi Raul Asensio La Ligada "Leganes"ga qarshi o‘yindan so‘ng (3:2) intervyu berdi.
Karlo Anchelotti jamoasi tanaffusga 1:2 hisobida yutqazayotgan bo‘lsa-da, ikkinchi bo‘limda ikkita gol urib, g‘alabani ilib ketdi. Kilian Mbappe dubl qayd etdi, yana bir golni Jud Bellingem o‘z hisobiga yozdirib qo‘ydi.
"Ushbu o‘yin bizga mavsumning so‘nggi qismiga eng yaxshi tarzda tayyorgarlik ko‘rishga yordam beradi. Bizning omadimiz keldi, chunki jamoamizda dunyoning eng yaxshi futbolchilari o‘ynaydi. Kilian - ajoyib o‘yinchi, ajoyib yigit, u bizga katta yordam beradi," - deya Asensioning so‘zlarini keltiradi Madrid Universal.