Мадриднинг "Реал" клуби марказий ҳимоячиси Рауль Асенсио Ла Лигада "Леганес"га қарши ўйиндан сўнг (3:2) интервью берди.
Карло Анчелотти жамоаси танаффусга 1:2 ҳисобида ютқазаётган бўлса-да, иккинчи бўлимда иккита гол уриб, ғалабани илиб кетди. Килиан Мбаппе дубль қайд этди, яна бир голни Жуд Беллингем ўз ҳисобига ёздириб қўйди.
"Ушбу ўйин бизга мавсумнинг сўнгги қисмига энг яхши тарзда тайёргарлик кўришга ёрдам беради. Бизнинг омадимиз келди, чунки жамоамизда дунёнинг энг яхши футболчилари ўйнайди. Килиан - ажойиб ўйинчи, ажойиб йигит, у бизга катта ёрдам беради," - дея Асенсионинг сўзларини келтиради Madrid Universal.
