Milanning "Inter" klubi bosh murabbiyi Simone Indzagi klubdagi kelajagi haqidagi savolga javob berdi.
Yaqinda "neradzurrilar" prezidenti Juzeppe Marotta murabbiyning shartnomasi deyarli aniq uzaytirilishini aytdi.
"Marottaning gapi? "Inter"da baxtliman. Klubda meni qadrlashlarini his qilyapman, futbolchilardan mamnunman, hamma bilan ajoyib munosabatdaman. Avvalgi yillarda bo‘lgani kabi mavsum yakunlangach, bu masala hal qilinadi, ammo hozirgi holatlar faqat ijobiy," - dedi Indzagi Sky Sport'ga bergan intervyusida.
