"Everton" ketma-ket yettinchi mavsumida ham moliyaviy muammolarga duchor bo‘lgan. 

Klubning 2023/24 yilgi mavsumdagi yo‘qotishlari 53 million funtni tashkil etdi - bu avvalgi hisobot davridagidan 36 million funtga kam.

"Everton" so‘nggi yetti mavsumning har birida yo‘qotishlarga uchradi va shu vaqt ichida jami 570 million funt sterling yo‘qotdi.

"Everton" so‘nggi uch mavsumda 187 million funt sterling yo‘qotdi, bu Premyer-liganing moliyaviy qoidalariga ko‘ra maksimal 105 million funtga nisbatan ancha ko‘p.

Biroq BBC ta’kidlaganidek, infratuzilmaga, shuningdek, ayollar va yoshlar terma jamoalariga investisiyalar bu summadan chegirib tashlanishi mumkin.