"Manchester Siti" vingeri Savio jamoa bosh murabbiyi Xosep Gvardiola bilan ishlagani haqida gapirdi.
20 yoshli braziliyalik futbolchi "shaharliklar" safida debyut mavsumini o‘tkazmoqda. O‘tgan yilning yozida u "Trua"dan sotib olingan edi.
"Pep menga katta yordam berdi. U har doim o‘z futbolimni o‘ynashimni, xato qilganimda qayta-qayta sinab ko‘rishimni aytadi. Shunday qilib, u o‘yinchilar bilan suhbatlashish orqali ularga ishonch bag‘ishlaydi. Xatolardan keyin qiyin bo‘lishi mumkin, o‘zingga ishonmay qolasan, lekin Gvardiola doim dalda beradi, motivasiya beradi. Qo‘llab-quvvatlagani uchun undan juda minnatdorman," - deya Savioning so‘zlarini keltiradi City Xtra.
