"Манчестер Сити" вингери Савио жамоа бош мураббийи Хосеп Гвардиола билан ишлагани ҳақида гапирди.

20 ёшли бразилиялик футболчи "шаҳарликлар" сафида дебют мавсумини ўтказмоқда. Ўтган йилнинг ёзида у "Труа"дан сотиб олинган эди.

"Пеп менга катта ёрдам берди. У ҳар доим ўз футболимни ўйнашимни, хато қилганимда қайта-қайта синаб кўришимни айтади. Шундай қилиб, у ўйинчилар билан суҳбатлашиш орқали уларга ишонч бағишлайди. Хатолардан кейин қийин бўлиши мумкин, ўзингга ишонмай қоласан, лекин Гвардиола доим далда беради, мотивация беради. Қўллаб-қувватлагани учун ундан жуда миннатдорман," - дея Савионинг сўзларини келтиради City Xtra.