"Inter" bosh murabbiyi Simone Indzagi "Milan" bilan Italiya Kubogining birinchi yarim finali oldidan jurnalistlar bilan suhbatlashdi.
O‘yin bugun bo‘lib o‘tadi, uning boshlanishi Toshkent vaqti bilan 00:00 ga belgilangan. Javob uchrashuvi 23 aprel kuni bo‘lib o‘tadi.
"Biz oldimizda qanchalik muhim o‘yin turganini bilamiz, axir bu yarim final, derbi. Biz bu mavsumda bizga va boshqalarga ko‘p muammolar keltirgan jamoaga qarshi yaxshi o‘yin ko‘rsatmoqchimiz," - deya Indzagining so‘zlarini keltiradi "Inter" matbuot xizmati.
