Milanning "Inter" klubi bosh murabbiyi Simone Indzagi jamoa sardori Lautaro Martinesning holati haqida ma’lumot berdi.

"Neradzurrilar" forvardi jarohatidan tiklanishda davom etmoqda. U A Seriyaning so‘nggi turida "Udineze"ga qarshi o‘yinni o‘tkazib yubordi, shuningdek, Italiya kubogi yarim finalida "Milan" bilan bo‘lib o‘tadigan derbida ham maydonga tusha olmaydi.

"Lautaro yaxshi ishlayapti va biz uni "Parma"ga qarshi o‘yingacha safga qaytarishga urinib ko‘ramiz, ammo vaziyatni har kuni baholash kerak. Umid qilamanki, u tez orada o‘ynay oladi, ammo hozircha hech qanday imkoniyat yo‘q. Faqat shuni aytishim mumkinki, u tinimsiz ishlaydi va har doim maydonga tushishni istaydi," - dedi Indzagi matbuot anjumanida.