Миланнинг "Интер" клуби бош мураббийи Симоне Индзаги жамоа сардори Лаутаро Мартинеснинг ҳолати ҳақида маълумот берди.
"Нерадзуррилар" форварди жароҳатидан тикланишда давом этмоқда. У А Сериянинг сўнгги турида "Удинезе"га қарши ўйинни ўтказиб юборди, шунингдек, Италия кубоги ярим финалида "Милан" билан бўлиб ўтадиган дербида ҳам майдонга туша олмайди.
"Лаутаро яхши ишлаяпти ва биз уни "Парма"га қарши ўйингача сафга қайтаришга уриниб кўрамиз, аммо вазиятни ҳар куни баҳолаш керак. Умид қиламанки, у тез орада ўйнай олади, аммо ҳозирча ҳеч қандай имконият йўқ. Фақат шуни айтишим мумкинки, у тинимсиз ишлайди ва ҳар доим майдонга тушишни истайди," - деди Индзаги матбуот анжуманида.
