"Real" va "Arsenal" Martin Subimendi uchun kurashmoqda.
AS nashri xabariga ko‘ra, madridliklar "Real Sosyedad" yarim himoyachisining vakillari bilan norasmiy aloqalarga ega bo‘lgan va bu orqali futbolchiga transfer haqiqat ekanini ko‘rsatib qo‘yishni maqsad qilgan. Ispaniyaning amaldagi chempioni rahbariyati mavsum yakunlanishini kutmoqchi va jamoaga aslida nima kerak bo‘lishini aniqlamoqchi, shundan so‘ng 26 yoshli futbolchining transferi bo‘yicha taklif berilishi mumkin.
Asosiy to‘siq sifatida transfer borasida oldinga siljigan "Arsenal" tilga olinmoqda. Londonliklar allaqachon futbolchining agentiga vaqti kelganda 60 mln yevro tovon puli to‘lashga tayyorligini ma’lum qilgan.
Subimendi bu mavsumda La Ligada 28 ta o‘yin o‘tkazib, 2 ta gol urdi.
