"Реал" ва "Арсенал" Мартин Субименди учун курашмоқда.
AS нашри хабарига кўра, мадридликлар "Реал Сосьедад" ярим ҳимоячисининг вакиллари билан норасмий алоқаларга эга бўлган ва бу орқали футболчига трансфер ҳақиқат эканини кўрсатиб қўйишни мақсад қилган. Испаниянинг амалдаги чемпиони раҳбарияти мавсум якунланишини кутмоқчи ва жамоага аслида нима керак бўлишини аниқламоқчи, шундан сўнг 26 ёшли футболчининг трансфери бўйича таклиф берилиши мумкин.
Асосий тўсиқ сифатида трансфер борасида олдинга силжиган "Арсенал" тилга олинмоқда. Лондонликлар аллақачон футболчининг агентига вақти келганда 60 млн евро товон пули тўлашга тайёрлигини маълум қилган.
Субименди бу мавсумда Ла Лигада 28 та ўйин ўтказиб, 2 та гол урди.
