"Manchester Yunayted" bosh murabbiyi Ruben Amorim "Nottingem Forest"dan uchralgan mag‘lubiyatdan so‘ng (0:1) matbuot anjumanida ishtirok etdi.

"O‘ylaymanki, biz o‘yinni nazorat qildik. Biz "Forest" yo‘q joydan gol urishini bilardik. Ular hisobni ochishgach, biz ularning o‘yinini o‘ynay boshladik.

Keyin bizda yaxshi imkoniyatlar bo‘ldi, lekin oxirgi pas, oxirgi to‘p, oxirgi pasda nimadir yetishmayotgan edi. Agar bu bizda bo‘lmasa, gol ura olmaymiz. Bizning vaziyatlarimiz bo‘ldi, ammo butun mavsum shunday - biz ko‘p zarba beramiz, maydonning so‘nggi uchinchi qismida raqibga bosim o‘tkazamiz, ammo final bosqichida sifat yetishmayapti.

G‘olib bo‘lmasangiz, har doim umidsizlik paydo bo‘ladi. Ayniqsa, jamoa mag‘lubiyatdan ko‘ra ko‘proq narsaga haqli ekanini ko‘rsangiz. Bu raqib bizdan shunchaki yaxshiroq bo‘lganidan ko‘ra ko‘proq o‘zimizning xatolarimiz bo‘ldi", dedi Amorim.

30 ta o‘yindan so‘ng “Manchester Yunayted” 37 ochko bilan APL turnir jadvalida 13-o‘rinda bormoqda.