"Манчестер Юнайтед" бош мураббийи Рубен Аморим "Ноттингем Форест"дан учралган мағлубиятдан сўнг (0:1) матбуот анжуманида иштирок этди.

"Ўйлайманки, биз ўйинни назорат қилдик. Биз "Форест" йўқ жойдан гол уришини билардик. Улар ҳисобни очишгач, биз уларнинг ўйинини ўйнай бошладик.

Кейин бизда яхши имкониятлар бўлди, лекин охирги пас, охирги тўп, охирги пасда нимадир етишмаётган эди. Агар бу бизда бўлмаса, гол ура олмаймиз. Бизнинг вазиятларимиз бўлди, аммо бутун мавсум шундай - биз кўп зарба берамиз, майдоннинг сўнгги учинчи қисмида рақибга босим ўтказамиз, аммо финал босқичида сифат етишмаяпти.

Ғолиб бўлмасангиз, ҳар доим умидсизлик пайдо бўлади. Айниқса, жамоа мағлубиятдан кўра кўпроқ нарсага ҳақли эканини кўрсангиз. Бу рақиб биздан шунчаки яхшироқ бўлганидан кўра кўпроқ ўзимизнинг хатоларимиз бўлди", деди Аморим.

30 та ўйиндан сўнг “Манчестер Юнайтед” 37 очко билан АПЛ турнир жадвалида 13-ўринда бормоқда.