Yarim himoyachi Luka Suchich "Real Sosyedad"da mavsumning asosiy kashfiyotlaridan biriga aylandi. Ispanlar o‘tgan yozda "Zalsburg"dan 10 million yevroga sotib olgan yosh xorvatiyalik yarim himoyachi tezda San-Sebastyan jamoasida o‘zini namoyon qildi.
22 yoshida Suchich ajoyib yetukligini namoyish etdi. U bir zumda La Ligaga moslashdi va asosiy o‘yinchisiga aylandi. Uning yarim himoyadagi o‘yini va texnik mahorati Yevropa grandlarining e’tiborini tortdi.
“Inter” birinchi bo‘lib qadam tashladi. Italiya klubi futbolchi uchun taxminan 40 million yevro taklif qilishi mumkin.Klub rahbariyati endi muhim qaror oldida turibdi.
Joriy mavsumda xorvatiyalik futbolchi “Sosyedad” safida barcha turnirlarda 31 ta o‘yinda maydonga tushib, 3 ta gol va 2 ta golli uzatmaga mualliflik qilgan.













