Ярим ҳимоячи Лука Сучич "Реал Сосьедад"да мавсумнинг асосий кашфиётларидан бирига айланди. Испанлар ўтган ёзда "Залцбург"дан 10 миллион еврога сотиб олган ёш хорватиялик ярим ҳимоячи тезда Сан-Себастьян жамоасида ўзини намоён қилди.

22 ёшида Сучич ажойиб етуклигини намойиш этди. У бир зумда Ла Лигага мослашди ва асосий ўйинчисига айланди. Унинг ярим ҳимоядаги ўйини ва техник маҳорати Европа грандларининг эътиборини тортди.

“Интер” биринчи бўлиб қадам ташлади. Италия клуби футболчи учун тахминан 40 миллион евро таклиф қилиши мумкин.Клуб раҳбарияти энди муҳим қарор олдида турибди.

Жорий мавсумда хорватиялик футболчи “Сосьедад” сафида барча турнирларда 31 та ўйинда майдонга тушиб, 3 та гол ва 2 та голли узатмага муаллифлик қилган.