Dortmundning "Borussiya" klubi yozda yana "Lion"ning hujumkor yarim himoyachisi Rayan Sherkini sotib olishga urinib ko‘radi. Nemislar qishda fransuzni ikki marta qo‘lga kiritishga harakat qilishdi, biroq "Lion" egasi Jon Tekstor o‘zini qiyin muzokarachi ekanligini isbotladi. Muvaffaqiyatsizlikka qaramay, dortmundliklar yozda yana urinib ko‘radi.
Ushbu yozda transfer narxi 30 million yevro atrofida bo‘lishi mumkin, ammo dortmundliklar kelasi mavsum Florian Virts bilan birga o‘ynay oladigan va bir yildan so‘ng uning o‘rnini bosadigan futbolchi qidirayotgan “Bayer” bilan raqobatlashishiga to‘g‘ri keladi.
Joriy mavsum Sherki “Lion” safida barcha turnirlarda 35 ta o‘yinda maydonga tushib, 8 ta gol va 18 ta golli uzatmaga mualliflik qilgan.
