Дортмунднинг "Боруссия" клуби ёзда яна "Лион"нинг ҳужумкор ярим ҳимоячиси Райан Шеркини сотиб олишга уриниб кўради. Немислар қишда французни икки марта қўлга киритишга ҳаракат қилишди, бироқ "Лион" эгаси Жон Текстор ўзини қийин музокарачи эканлигини исботлади. Муваффақиятсизликка қарамай, дортмундликлар ёзда яна уриниб кўради.
Ушбу ёзда трансфер нархи 30 миллион евро атрофида бўлиши мумкин, аммо дортмундликлар келаси мавсум Флориан Вирц билан бирга ўйнай оладиган ва бир йилдан сўнг унинг ўрнини босадиган футболчи қидираётган “Байер” билан рақобатлашишига тўғри келади.
Жорий мавсум Шерки “Лион” сафида барча турнирларда 35 та ўйинда майдонга тушиб, 8 та гол ва 18 та голли узатмага муаллифлик қилган.
