"Manchester Siti" futbolchisi Jek Grilish Premyer-ligada uzoq davom etgan golsiz seriyasini yakunladi.
Qanot vingeri "Lester"ga qarshi o‘yinning 2-daqiqasida gol urdi. 29 yoshli futbolchi uchun bu 2023 yil dekabridan beri Angliya chempionatidagi ilk gol bo‘ldi - u APLda ketma-ket 26 o‘yinda gol ura olmadi.
"Bugungi goldan keyin golsiz seriyam haqida gap-so‘zlar bo‘lishini kutgandim, biroq, bu mavsumda o‘tgan mavsumdagidek yaxshi formada emasligimni ham hisobga olish kerak. Rojdestvodan beri APLda asosiy tarkibda maydonga tushmagandim. Ammo bugun ilk daqiqalardan o‘ynaganimdan va gol urganimdan xursandman," - deya Grilishning so‘zlarini keltiradi City Xtra.













