"Barselona"ning chap qanot himoyachisi Alexandro Baldening fikricha, jamoa joriy mavsumda uchta asosiy sovrinni qo‘lga kiritish uchun barcha imkoniyatga ega.

Chorshanba kuni "ko‘k-anorranglilar" Ispaniya Kubogining javob yarim finalida Madridning "Atletiko" klubini minimal hisobda mag‘lub etib (umumiy hisob - 5:4), maqsadga bir qadam yaqinlashdi.

"Albatta, bizda trebl uchun barcha imkoniyatlar bor deb hisoblayman. Bu har doim uchta turnirda kurashni davom ettirganingizda haqiqatdir. O‘yindan-o‘yinga astoydil ishlash kerak - va natijalar o‘zini kuttirib qo‘ymaydi," - dedi Balde g‘alabadan keyin bergan intervyusida.