"Барселона"нинг чап қанот ҳимоячиси Алехандро Бальденинг фикрича, жамоа жорий мавсумда учта асосий совринни қўлга киритиш учун барча имкониятга эга.
Чоршанба куни "кўк-анорранглилар" Испания Кубогининг жавоб ярим финалида Мадриднинг "Атлетико" клубини минимал ҳисобда мағлуб этиб (умумий ҳисоб - 5:4), мақсадга бир қадам яқинлашди.
"Албатта, бизда требль учун барча имкониятлар бор деб ҳисоблайман. Бу ҳар доим учта турнирда курашни давом эттирганингизда ҳақиқатдир. Ўйиндан-ўйинга астойдил ишлаш керак - ва натижалар ўзини куттириб қўймайди," - деди Бальде ғалабадан кейин берган интервьюсида.
