"Roma"ning ukrainalik hujumchisi Artyom Dovbik mart oyi yakunlari bo‘yicha A Seriyaning eng yaxshi futbolchisi sovriniga da’vogarlar ro‘yxatiga kiritildi.

Ukrainalik futbolchiga Nikolo Barella ("Inter"), Lukas Da Kunya ("Komo"), Nikolo Fadjoli ("Fiorentina"), Rikkardo Orsolini ("Bolonya") va Umar Sole ("Udineze") raqiblik qiladi.

Eslatib o‘tamiz, Dovbik mart oyida Italiya chempionatida 4 ta o‘yinda 3 ta gol urgan edi.

Oyning eng yaxshi futbolchisiga ovoz berish 6 aprel, yakshanba kuniga qadar davom etadi.