"Manchester Siti"dan ijaraga olingan "Milan"ning o‘ng qanot himoyachisi Kayl Uoker hozirgi jamoasi darajasi haqida gapirdi.
34 yoshli angliyalik yanvar oyida "rossonerilar" safiga kelib qo‘shilgan edi. Katta ehtimol bilan italyan klubi futbolchini "shaharliklar"dan sotib oladi.
"Milan" tarkibidagi sifat shunchaki qo‘rqinchli. Bilamizki, bu mavsum yaxshi o‘tmayapti, ammo biz hali ham muvaffaqiyatli yakunlashimiz mumkin. Futbolchilar va murabbiyning darajasini hisobga olgan holda, kelasi mavsumda nima bo‘lishidan qat’i nazar, ushbu mavsumni iloji boricha yaxshiroq yakunlash uchun hamma narsani qilishimiz kerak," - deya Uokerning so‘zlarini keltiradi Italiya OAV.













