"Манчестер Сити"дан ижарага олинган "Милан"нинг ўнг қанот ҳимоячиси Кайл Уокер ҳозирги жамоаси даражаси ҳақида гапирди.
34 ёшли англиялик январь ойида "россонерилар" сафига келиб қўшилган эди. Катта эҳтимол билан итальян клуби футболчини "шаҳарликлар"дан сотиб олади.
"Милан" таркибидаги сифат шунчаки қўрқинчли. Биламизки, бу мавсум яхши ўтмаяпти, аммо биз ҳали ҳам муваффақиятли якунлашимиз мумкин. Футболчилар ва мураббийнинг даражасини ҳисобга олган ҳолда, келаси мавсумда нима бўлишидан қатъи назар, ушбу мавсумни иложи борича яхшироқ якунлаш учун ҳамма нарсани қилишимиз керак," - дея Уокернинг сўзларини келтиради Италия ОАВ.













