Turkiyaning “Fenerbaxche” klubi rahbariyati jamoa bosh murabbiyi Joze Mourinyo irqchilik uchun jinoiy javobgarlikka tortilishdan qochishini ma’lum qildi.
Turkiya Superligasining 25-turidan o‘rin olgan “Galatasaroy” bilan 0:0 hisobida yakunlangan o‘yindan so‘ng Mourinyo raqib jamoa futbolchilari “maymundek sakrashayotganini” aytdi.
Bu bayonotlar "Galatasaroy" rahbariyatining huquq-tartibot idoralari bilan bog‘lanishiga sabab bo‘ldi.
Yakunda Istanbul Bosh prokuraturasi murabbiy tomonidan hech qanday qonunbuzarlik sodir etilmagani va Mourinyo jazolanmaydi degan xulosaga keldi.
