“Nyukasl Yunayted” hujumchisi Aleksandr Isak yangi yildan beri eng ko‘p qimmatlashgan futbolchilar ro‘yxatida birinchi o‘rinni egalladi.
Transfermarkt portalidagi oraliq yangilanishlar natijalariga ko‘ra, shvedning narxi 25 million yevroga oshgan.
Hozirda Isakni 100 million yevroga sotib olish mumkin. Ikkinchi o‘rinni Londonning “Arsenal” klubi futbolchisi Etan Nvaneri egalladi (+25 million).
Kuchli uchlikni “Bornmut”dan Din Xeysen (+24 million) yakunladi.
Keyingi o‘rinlarni “Manchester Siti”ning o‘zbekistonlik himoyachisi Abduqodir Xusanov (+23 million yevro) hamda “Real”dan Raul Asensio egallagan (+22,5 million).
